Info-Portal für das Schweinfurter Oberland: Schonungen – Üchtelhausen – Stadtlauringen – Thundorf – Maßbach und angrenzende Gebiete

Enner hod gsochd, ich sölled amol wos lusdichs schreib. Ich däd ümmer nur Brobleme wäldz. Hei – ich konn hald nedd annersch! Lusdich konn ich aa scho gsei, obber nedd auf Kommando. Dös muss die Siduadion ergabb. Un heud ergibbd sich widder mol gor nix.

Mir fälld nix ei, wos ich schreib könned. Über Weihnochdn ho ich mich scho genuch ausgelossn. Ihr kennd jo inzwischen mei Eischdellung zu dara schdilln Zeid zu genüche. Obwoh mir jeds Johr widder däzu wos eifolled. Un die Fosenochd is noch sou weid wach.

Jedz hömmer erschd amol Novem - ber un ich free mich jeds Johr drauf Öiberländers Angnes Heud amol fasd kee Brobleme – wenn’s neiwerds gedd, daus in mein Gardn ölles ferdich is, un mer dös Gfühl hodd, jeds konnsda dich amol a weng ausgeruh. Viela Loid häddn jo om lerbsdn äs ganza Johr Summer. Dös könned ich nedd edroch. Nur Hidz un Sunnaschein, do wared ich debressiv. Ich frä mich im Summer aufn Herbesd, wenn sou richdis Säu - wadder is un mer nedd vor die Dür konn. Donn schür ich mein Oufn oh un loss mers guad gia. Schüa wers scho, wenns im Winder a bissla schnei däd, obber dös werd jo bei uns ümmer unwohrscheinlicher.Wenn donn es Frühjohr künnd, is mer scho ganz narrisch, däs es widder nauswerds ged, die Doch widder länger warn un dös schöna Wadder widder künnd. Donn frä ich mich a widder aufn Summer. Ich brauch sa – die wachselnda Johreszeidn. Jeda hodd wos für sich. Sou wie nedd jedn Doch Sunndich oder a Feierdoch sei konn, sou wärs für mich schlimm wenn ümmer Summer wär.Wumid mer widda bei Weihnochdn wärn.
Dengd dro – Weihnochdn is Weihnochdn un Advend is Advend nedd scho halber Weihnochdn.

Ja un donn künnd die Fosenochd, do därf mer dös sei, wos mer sünsd nedd is. Un mer därf dös soch wos mer sünsd für sich behäld, und die annera müssns erdroch, un mer selber aa.

Än bessinlichn Advend, froha Weihnochdn, än Guadn Rudsch und a ausgelossna Fosenochdwünschd Euch Euer Angnes

Zum Seitenanfang